海洋公園噚日公佈2011年至2012年嘅財政年度業績報告，截至今年6月，全年入場人次達710萬，人次創新高，按年升兩成；人多咗，收入都創新高，年度稅息折舊及撇銷前盈利按年升近五成至逾1億元，總收入達16億元。
難怪海洋公園主席盛智文牙擦擦咁話，能夠提早咗10年衝破700萬人次大關，因為公眾對近兩年海洋推出嘅新景點、例如動感天地、四川奇珍館好like喎；而香港老大街就好受長者歡迎，本地長者嘅入場人數創歷年新高至14.5萬人。最勁係喺2011至12年財政年度，幾乎每個月都打破過去同一月份嘅單月入場人次紀錄。月月破紀錄，又抵佢牙擦嘅。