「喂，我是姚明。」噚日上海部份銀行交易員打電話去上海國際貨幣經紀公司，接電話兼落盤嘅正是籃球明星姚明。
呢間經紀公司噚日搞慈善活動，姚明客串做經紀，貨幣、債券、衍生產品同外滙佢全部都有開齋，一共做咗十單交易；連埋另外300位嘉賓，全日交易佣金約105萬人仔，將會通過姚明喺08年汶川地震後成立嘅姚基金，資助貧窮地區教育項目，有綽頭又有意義！
有機會同姚明講電話嘅呢班交易員，一於把握機會同姚明打牙骹、講笑，有人仲大膽到批評巨人太怕醜，唔識講嘢，姚明咁玩得，當然冇嬲，現場所有人都同姚明一樣，「high到不行」。