昔日電訊超人王維基矢志進軍香港電視業，搞到滿城風雨，唔通做電視大亨真係咁過癮？就連超人李嘉誠都想做埋一份？外電噚日報道，意大利電視台Italia Media最近收到兩名買家洽購，仲話唔知和黃（013）旗下3意大利會唔會一齊入標，和黃發言人就例牌冇回應。
傳聞3意大利搞緊流動電視服務，買間電視台搞協同效應好似幾合理。但一位投行老友分析，歐洲經濟咁差，好多公司放盤，投行想幫個客賣到好價錢，好多時會放風話有好多人爭，希望爭高個價。超人大把錢，每日實有大把人敲門畀proposal佢睇，佢係咪想去到咁遠做意大利電視大亨，只有佢先知嘞。