現年30歲的宅男女神賈曉晨（JJ）與39歲男友樊少皇打得火熱，當初JJ背負着小三之名，但兩人愛得癡纏。樊少皇主要在內地拍劇，每次來港兩人都爭取時間相處，日前兩人被本報拍到在將軍澳拍拖行街，當時樊少皇揸住JJ的跑車接送女友，但兩人被撞破即黑面發火。
前晚JJ與鄭伊健、蔡卓妍（阿Sa）等到澳門出席《我老公唔生性》首映禮，JJ否認當日發嬲，並強調不介意拍拖出街被人影：「我拍拖係公開，冇嘢見唔到人。」問到是否阻礙兩人回家過夜？JJ承認同居：「佢嚟香港就會同我一齊住，佢長期喺內地工作，我都想接多啲內地工作，想多啲時間同佢一齊，但唔易搵到。」
壓力爆煲不後悔
問到JJ現在的感情關係時，她語帶猶豫說：「覺得係穩定，只係未有機會長時間相處，𠵱家喺生活習慣上未了解到，平時電話聯絡，好少香港見，最慘一開始拍拖就不斷俾人影，未試過拍拖咁高調，壓力大到唔知點算。」會否覺得揀錯郎？JJ稱現時只感到不知所措，並強調不後悔，但會反問自己為何愛情路會這麼崎嶇，幸男友會𠱁她開心。
同場的阿Sa自言此片是開心的十年回顧，開心與伊健再合作，但就不滿伊健經常窒她：「佢係幾討厭嘅人，成日窒我，合作相識咁耐，同佢講得就講，唔怕人身攻擊，唔怕佢嬲。」
採訪、攝影：魯萍