【不吐不快】
港府大鑼大鼓推長者生活津貼（俗稱特惠生果金），結果一鑊泡，老廖對此另有見解：「千幾蚊，梗係唔夠啦，我退休都唔知點算。老人家捱咗成世，交咗咁多稅，領福利金都要資產審查，多餘！政府應該畀到幾多得幾多。」
對於長者兩元乘車優惠，老廖說：「兩蚊有乜用？老人家搭小巴落觀塘，我請佢哋搭幾轉車，都慳番一餐茶錢啦！」
立法會議員張超雄大讚老廖善行：「小巴司機搵食好辛苦，老廖請老人家搭車，長者直接受惠。」張超雄指，港府去年撥150億元作生果金及綜援福利用途；全港65歲以上長者人口達98萬人，每位長者每月只攤分千多元，幫助有限，「搭車都唔夠」。張認為，長者兩元乘車優惠覆蓋面有限，最大好處是減輕長者搭港鐵及巴士負擔，但不包括小巴；制度應延展至小巴，才能減輕長者乘車支出。
《蘋果》記者