上證綜指今年跌一成，大幅跑輸環球指數，之前所謂的鑽石底2000點，隊兩次就穿，喺A股一片愁雲慘霧之際，就嚟一次絕地反彈，唐牛唔敢話A股已經見底，但市況低殘隨時都會撈到好嘢，各位A股股民唔使灰心，頂住。
相信唔少戰友都知道，經緯紡機（350）家主業都唔係紡織，而係手持37%的中融信託，主要做放數，過去兩年都為公司帶來幾億盈利，但H股始終唔係咁受歡迎，比A股有超過六成折讓，市盈率亦只有5倍。上月佢哋宣佈同管理盈富基金（2800）的道富成立合營公司，準備大搞內地資產管理業務，雖然業務十畫都未有一撇，但呢個合作就反映道富對中融投以信任一票，日後或有助市場對經緯改觀，提升估值。
睇圖好有圓底收集Feel，上月突破4.50元之後繼續向好，戰友可以在4.60至4.80元之間吸納，首個目標係全年高位5.25元，如果升得穿，睇6蚊都唔過份喇！
唐牛