岑麗香和惠英紅等前晚到金鐘出席時裝活動，有指香香近日出席活動常遲到，有公主病之嫌，她說：「唔係，自己盡量做嘢唔會遲，唔係扮大牌，頭先都喺公司趕出嚟，都係做嘢。」提到近日發胖，臉形似麵包超人，她說：「知自己面圓圓，之前都唔接受，但家會開心接受，唔係個個人都係V面，面圓係福氣。」
記者笑包包面趕走宅男，香香說：「唔覺得自己係女神，鍾意我就接受我，唔鍾意假嘅我。」香香與黃智雯同入圍TVB飛躍進步女藝人獎，會否看好對方獲獎，她說：「有冇獎唔緊要，睇師姐攞獎都好開心。」惠英紅對於視后心水：「楊怡，米記（指米雪）都唔錯，演技好勁，阿怡都攞咗好多獎，好有氣勢，都係二揀一。」
採訪、攝影：顏英儀