【怨聲載道】
許多網購買家相信當面交收比郵遞更有保證，故相約賣家在港鐵站交收，一手交錢，一手交貨。網購賣家及速遞業人士均埋怨，港鐵加強執法，不能在港鐵交收貨品，生意大受影響。
專代客在淘寶網訂購貨品的陳小姐表示，在車站交收省卻不少郵費，「細件要寄嘅話，會入落信封畀1.4元郵費寄，但大件閒閒哋成幾十蚊郵費，所以搭車可以順便交收，冇額外成本。而且買家覺得當面交收有信心啲，就算貨不對辦都可以即時講」。她坦言，如被檢控或出閘才交收貨品，將令經營成本大增，「可能會改為寄貨畀客人，如果係咁，成本就轉嫁番畀買家」。
香港速遞業協會會長吳江表示，中小型速遞公司有一成生意在港鐵站閘口交收，「有啲公司當車站係驛站，喺站內分發郵件，將啲郵件遞出閘外，就有人拎走；有啲急件都會喺閘外遞入嚟，慳車錢同時間」。他稱港鐵加強打擊對業界有一定影響，「港鐵作為公共事業，都要諗吓點樣方便市民，行個方便都唔得，真係港鐵霸權」。
《蘋果》記者