市民對工展會嘅關注，除咗場內啲貨品有幾平幾抵，仲有就係睇吓工展小姐夠唔夠養眼。八方覺得今屆工展小姐肯定有睇頭，事關代表和興隆潮州花生糖嘅1號佳麗江美鎂Kammy，成個翻版郭羨妮咁，一出場已搶晒鏡，包括會長施榮懷在內嘅廠商會領導噚日都嘩嘩聲，阿施仲喺台下狂影，話要send畀廠商會成員欣賞。
Kammy噚日先拔頭籌，攞咗現場人士票選嘅「最合眼緣獎」。事實上佢亦好識做，自我介紹時話自己最鍾意食嘅零食就係和興隆嘅花生糖，hardsell技術冇得頂。市民遊工展會時都可以投票選出心水佳麗，Kammy係咪大熱跑出？1月7號自有分曉。