好多人趕喺年尾拉埋天窗，公民黨湯大狀亦家有喜事，大仔湯煒軒下周四喺尖沙嘴洲際酒店擺酒，同女友共諧連理。同老竇一樣讀Law，現為見習大狀嘅煒軒，今年只得25歲，喺家嘅社會算係早婚。點解咁早就肯從此被困？
湯大狀話呀，最初聽到阿仔話結婚都好愕然，以為有啲咩事㖭；原來女家話今年係好年，未來兩年就唔多好嘞，既然係咁，不如就趁今年拉埋啦。
湯大狀大讚未來新抱仔人品very good、為人好文靜；未來新抱嘅妹妹，原來係阿仔喺英國讀書嘅同學，兩人因活動而相識。
至於使唔使盡快畀個孫仔佢湊吓？湯大狀笑笑口話阿仔開心就得嘞，明顯係開明派老爺啦。