社民連開足turbo狙擊狼振英僭建醜聞，又提彈劾，又殺入施政報告地區諮詢會場逼佢交代。政府家一見社記中人都特別緊張，好似阿牛曾健成咁，佢噚日一早帶成班街坊去行會請願，要求柴灣康翠臺加建升降機，點知保安話佢帶banner同硬卡製嘅示威牌有危險喎，一度阻止佢哋入內，激到阿牛紮紮跳。最終獲放行，阿牛一見到行會成員葉劉淑儀就捉住對方投訴；可能晨早流流未warm up，葉劉一見阿牛衝前就嚇到花容失色。
講開葉太嘅新民黨，原來最近又有新血，八十後葵青區區議員徐曉杰已經入黨，令新民黨區議員人數增至七人，成功擴充版圖。