蘋機會：Fujifilm XF1　360°復古

復古熱停不了！富士最近新機密密出，新機XF1賣相，完全滿足晒攝影發燒友玩古董相機虛榮心，伸縮鏡仲有F1.8大光圈，無論係要加濾鏡，或用360°全景拍攝，都同樣有Mood！
記者：許福合　攝影：陳盛臣　模特兒：Cookie@PureModels

扭出鏡頭

講到富士非換鏡式相機，早排有熱門的X100同X10，新機XF1同樣以古典機身做賣點，但在外形上稍作改良，轉走輕便、簡約，在保留最重要的復古味的同時，按鍵設計更偏向DC仔，機頂只有模式轉盤、快門及FN鍵，機背則設有3吋屏幕。值得一提是E-FN鍵，可自訂六個常用功能，在啟動時，屏幕會有所屬功能提示，相當好用。
拿起XF1，好多人會搔頭，該如何開機？原來XF1重便攜性，關機狀態時，鏡頭會收藏在機身內，要影相時，輕輕一扭鏡頭，就可拉出拍攝，好處當然係方便收藏，鏡頭蓋都慳番，不過筆者試用了幾天，開關20-30次左右，總覺得開鏡動作不太順暢，實在有點擔心耐用性。

開機時，需要由Standby扭轉，再拉出鏡頭拍攝。

按下E-FN，屏幕可看到預設的六個常用功能。

機身整體不算大部，但就略嫌厚身了些少。

F1.8大光圈

XF1使用的23 1,200萬像素EXR CMOS，感覺確有點輸蝕；但對焦速度卻爽快得有點驚喜！筆者以P模式，快速掃過及同時對焦，發覺效果相當理想，愛玩Snapshot最。鏡頭在廣角焦距下，光圈最大有F1.8，輕鬆做到淺景深效果，加上感光度可擴展至12800，亦適合在光線不足如餐廳等環境拍攝。筆者最愛是機身內置360°全景模式，輕輕一掃就可影360°全景相，另外XF1還可拍攝3D相片，不過係要拍兩次的模擬3D效果，聊勝於無！