今季日聯隨住舉辦完年終頒獎禮而曲終人散，盟主廣島三箭隊長佐藤壽人就威盡，除咗當選MVP外，仲拎埋最公平競技獎、金靴獎、聯賽冠軍，同埋入選最佳11人，成為日聯歷史首位一季連奪5獎嘅球員，當地更形容佢係「5冠王」！佢就話會將啲獎金攞出嚟請隊友去旅行，豪爆！另外，一代名將中山雅史今日宣佈以45歲之齡結束球員生涯。