【本報訊】倒梁聲音不絕，但因梁振英上位而「翻生」的行政會議成員羅范椒芬，昨繼續為梁振英護航，認為社會應給予時間讓梁的「專家」查明因由後，再向公眾作出終極交代。「護主」同時，羅范也認為，梁最好能於今個月內，交代其他疑團，包括赤柱大屋的涉嫌僭建問題，不應拖至明年。
羅范椒芬昨到港區人大代表選舉報名處補交提名，離開前回應傳媒提問時稱，社會應再給時間和空間，待梁振英與專家查明因由後，再公開解釋餘下對他的質疑，包括梁涉嫌挖山僭建的赤柱大屋，但她未有正面回應梁應否上立法會。
不信公務員包庇
她說：「要講嘅好多都講晒 ，但係又多咗好多傳聞，我相信有啲係真，有啲未必係真，所以我相信佢將最近又多咗嘅質疑，再去解（釋）清（楚）一次都係好事……我好希望梁先生盡快總結同埋向公眾交代，唔使等到出年，應該係今年內。」對於屋宇署一度隱瞞梁振英於山頂大宅的僭建密室和磚牆，羅范椒芬相信公務員沒有包庇梁，「公務員如果未確立到嗰度係咪僭建，亦都唔會採取特別行動，係一貫嘅做法」。
近日倒梁之聲不絕，羅太歸咎是過去十多年積累怨氣造成，盼社會「揸大放小」，「如果有啲問題可以放埋一邊，例如長者生活津貼，當然好多事可以追求完美，但如果可先讓老人家攞到生活津貼，然後其他問題從長計議。」