一年一度的《歡樂滿東華》將於周末（8日）舉行，甚受歡迎的「卡拉之星」環節竟也有是非，薛家燕、王俊棠、魯振順、王維德堪稱卡拉之星四大天王，在無綫今年的東華宣傳片中，亦以魯振順、王俊棠、王維德助陣，但原來今年魯振順、王俊棠因怕被人「走數」，拒絕再玩。
過往「手語王子」王維德及王俊棠、魯振順連同薛家燕堪稱卡拉之星四大天王，但魯振順與王俊棠今年不會參加，因他們被贊助的善長走數，魯振順在電話中坦言：「唔玩喇，搵唔到贊助，俾人走過幾千蚊數，錢事小，但冇咗個朋友。」
家燕姐跳《江南style》
魯振順透露為搵善款要搵善長收錢，又要送收據，勞心勞力：「仲有唱歌版權問題，要費神揀歌，咁夜唱現場又要養聲，我年年都搵到十幾萬贊助，節目新鮮熱辣時啲人就好撐，但耐咗啲人就會話『吓，又嚟嗱？』，或者節目形式改吓，總理出錢我哋唱都得，但如果自己跑數就好攰，我年紀大呀。」本報記者致電王俊棠問會否玩卡拉之星？他亦說：「唔玩啦，嗰晚有嘢做。」
家燕姐等人前晚在將軍澳電視廣播城為《歡樂滿東華》綵排， 早已是「卡拉之星」台柱的她當然繼續唱，不過家燕姐將摒棄大家熟悉的十字舞，搞搞新意思，她說：「今年會唱《江南style》，唱晒全韓文。」她透露此環節有新人加入：「好似有Bob同王維基。」城電揸弗人王維基？家燕姐即執生說：「係王維基嘅細佬王維德。」
採訪、攝影：何慧斯
