【求助無門】
「間屋有好多我以前嘅回憶，我點都唔會放棄間屋，傾盡家財都要討個公道。」鄺玉玲憶述，1988年她與丈夫到新界遊車河時，機緣巧合買下這村屋，「地產經紀帶我哋去睇屋，400呎村屋仲有2000呎花園，都係賣5萬元，覺得可以負擔，所以即時買左，我哋有依足法律程序。」
「間屋有我好多回憶」
她說兩夫婦住在市區，每年只會到村屋度假三、四次，直至94年，全家移居加拿大，半年後她因未能適應生活，自己獨自回流，「當時已逐漸減少返村屋，但都有同朋友去燒烤」。
其後夫妻感情生變，鄺玉玲更是絕少回去。她說，07年曾回村屋一次，未見異樣。
鄺玉玲去年底回村屋，驚見村屋被「落閘放狗」，她形容當時「好無助」。
她先後向元朗地政署、區議員及警方求助，但全部不得要領，「求助無門，好無奈、好徬徨。」在友人的建議下，鄺玉玲決心循法律途徑追討。
事件令鄺玉玲的情緒大受困擾，她不諱言：「雖然我少返去，但都係我嘅屋，有值得我回憶嘅地方。」
她揚言傾盡家財也不會放棄，「係我真真正正用錢買返嚟嘅嘢，家有人用鐵閘攔住唔畀我返去，同劫匪有咩分別？」自言只想「要番間屋」的她，重溫昔日在村屋拍的照片時，不禁哽咽道：「間屋有我好多回憶。」
《蘋果》記者