【血本無歸】
有曾直接存錢到死者林慧嫻戶口，委託她代為投資的受害人直言，早前已到警署及證監會備案，但律師梁永鏗稱，若投資者（林慧嫻）無交出任何銀行或證券行的文件證明代人投資，受害人難以追討。
「受害人只能靠雙方來往電郵舉證，而且電郵內容要顯示啲錢係交畀佢投資，咁先可以提出民事訴訟。」不過，他表示即使透過法庭向遺產承辦人追討投資結餘，成功追回的機會也極低。
梁永鏗又指出，假若死者生前盜用他人資料到財務公司借錢，或用他人信用卡套取現金，只要受害人能提供單據，證明有人做幫兇，「即係明知對方冒簽或者用假資料，都冇即時制止，咁呢啲人都要負上刑責。」
證券商協會主席蔡思聰表示，若交易沒有佣金或利益證明，投資只屬朋友間「夾份」買股票，證監會是不會受理。他提醒投資者：「唔好咁天真啦，呢個世界邊有咁多貼士吖，應該做多啲分析。」
《蘋果》記者