消委會剛「易主」，新任總幹事黃鳳嫺（圖）嘅上任大計，除咗推動競爭法、商品說明條例同規管樓宇條例外，仲想搞「可持續消費」，鼓勵消費者要「有責任消費」，唔好盲目、衝動購物，因浪費製造垃圾，要揀可持續消費品，「如物料對環境冇害」。有報道話生產羽絨其實好殘忍，佢話消費者其實都要留意，盡量唔買傷害生命嘅產品。
佢由旅發局轉過嚟，笑言最需要適應唔係工作，因為前總幹事劉燕卿交帶得好清楚，反而以前同旅客、外國機構經常用英文溝通，家就全中文，「好易習慣，我都係土生土長」。佢仲話生活最大改變係買嘢仔細咗，會睇清楚成份又會格價，「以前半個鐘搞掂，家要成個半鐘」。