英超與歐霸錦標，你會點揀？相信曼城領隊文仙尼一定選擇衞冕英超，因此縱然在周二的歐聯D組最後一輪分組賽只要作客擊敗多蒙特，曼城仍有機會爭歐霸，但有大戰曼聯的英超後顧，曼城今役未必去馬，一於捧「蜜蜂兵」多蒙特勝出。（球賽編號：星期二16；有線61及201台明日3:45am直播）
歐霸盃與歐聯雖然同為歐洲賽，但重要性有天壤之別，更被不少歐洲大球會視為雞肋，因此，料目前在D組包尾的曼城，在周二訪多蒙特時，亦未必會全力爭勝，寧願留力周日英超曼巿打吡。就算曼城有心去馬，但他們目前形勢甚差，自己要勝出之餘，還要望同組的阿積士不敵皇家馬德里才能踢歐霸；另外，曼城今屆歐聯兩仗作客均輸，而且又續缺基捷基治兼有中場耶耶托尼停賽，難看好。
多蒙特雖然亦肯定以小組首名出線，但由於陣中以年輕球員如馬高列奧斯及馬里奧葛斯等為主，而且又個個大勇，未必勒得住，料會再勝一仗。
至於皇家馬德里迎阿積士一役，前者肯定以小組次名出線，而阿積士則要爭歐霸，但始終戰意難料，既然「入球大細」中位數定於3.5球，不如博「細」更穩。（球賽編號：星期二17；有線63及203台明日3:45am直播）
文：吾中
混合過關
星期二 16多蒙特勝（2）x
星期二 17皇家馬德里細（1.7）2x1