港交所（388）連續第三年預早送聖誕禮物畀行政總裁李小加。港交所董事會噚日開會後決定，批准撥出892萬出來買港交所股份送畀李小加作為長期獎勵，話明長期，所以唔係即刻畀，明年同後年共分兩次派發。
港交所01年5月首次公佈攞900萬銀出來買股送畀李小加，嗰年12月同舊年12月分別再畀720萬同880萬出來，連埋今次合共攞咗3392萬出來送股畀李小加，呢份分期畀嘅聖誕禮物認真和味。
睇番港交所資料，李小加今年9月持有港交所19.47萬股，以噚日收市價122.7元計，市值2389萬。如果李小加想遲來的獎勵股份可以水漲船高，呢幾年真係要出力搞好用過百億收購返來嘅LME喇。