恒生銀行（011）大公關張樹槐（Walter）今年中先完成全球海拔最高馬拉松賽事，周日轉跑香港環球貿易廣場（ICC），在場碰見「世界跑梯天后」Melissa Moon，月亮小姐知佢咁跑得，立即下戰書，邀約佢遲吓一齊遠征紐約帝國大廈，參加已有35年歷史嘅跑梯大賽。
Melissa前日冇參賽，只係以領賽名義跑，佢用咗16分37秒跑完2120級樓梯；人稱水哥嘅Walter就用咗24分鐘跑完，慢過男子冠軍嘅13分20秒，雖然未能勝出，但成績較04年佢參加IFC賽事時更佳（26分鐘跑畢88層）。
水哥同Melissa兩位跑得之人相遇，除咗合照，梗係講吓幾時華山論劍啦。咁，究竟水哥會否應約呢？佢老哥就笑而不答，賣個關子。