昨日大市表現認真差勁，雖然價位上升穿了早前的高位，似乎破了雙頂之說，但由於高位完全企唔穩，嚴格上來說唔算得上真係破咗。之前一直未穿頂時，自己都話唔驚雙頂，但昨日一穿就回後，形態上反而比之前更似，所以都唔可以掉以輕心，現時正處關鍵位，需要先觀察多一兩日。組合近期揀的股票，與大多數股票一樣，都食唔到呢一潮，因此都要再多加研究如何可以做好一點，至於指令上，今日如達進（515）跌穿0.91元，會先行沽出，若開市價已低於0.91元，則會待跌低於開市價一格才沽。
筆者持有達進
作者：張士佳、曾卓鋒（元大寶來證券（香港）客戶經理）