曼聯後備殺手查維亞靴南迪斯，有幾好波就係人都知，好波到連罪犯都要停低去睇佢踢波，唔係講笑㗎！近日英國《太陽報》報道話，佢祖國墨西哥首都墨西哥城一有佢嘅比賽睇，偷車、打劫同爆格都少咗；唔單止咁，佢嘅好表現就令到墨西哥城出生率都上升，睇嚟啲媽媽都好想生個「小豆」出嚟光耀門楣！踢波都可以打擊罪惡同刺激出生率，你話佢唔係好波咁係咩？