【本報訊】上周六，崩牙駒出冊哄動濠江之際，原來另一邊廂，澳門猛人「水房賴」繼續發功。當晚8時，澳門黑幫「水房」借「青華文娛體育會」成立23年的名義，在漁人碼頭筵開百席，宣佈將懸空三年的坐館之位，由水房賴保鑣于東海（綽號高佬）接棒。
「佢（于東海）係內地人，出名好打得，做咗水房賴保鑣十幾年，水房賴好信佢，所以推佢出嚟做坐館。」叠碼仔Ricky表示，「高佬」現在主要替水房賴打理酒店的賭廳生意，很多叠碼仔跟他搵食，「水房賴表面上唔做坐館，實情係垂簾聽政，成個水房都仍然係佢話事，崩牙駒要同佢鬥都唔係咁容易」。
憂樹大招風被政府「招呼」
據悉，水房賴過去不斷將澳門水房「企業化」，以基金運作模式控制社團，所有頭目把資金放進「大基金」，再從中撥款給不同廳主去營運，所有收入按比例回撥基金，再按年分紅給各大小頭目。由於基金越滾越大，水房賴基本上已稱霸澳門賭業，但他擔心樹大招風，若繼續掛着社團牌頭，遲早成為下一個崩牙駒，被政府「招呼」，遂將澳門水房坐館之位交出。