曼聯領隊費格遜喺球壇嘅地位真係舉足輕重，要佢開口讚人，特別讚「行家」更加難；不過費Sir最新接受訪問時，就大讚皇馬教練摩連奴；訪問中費Sir開口埋口都讚寸王管理邊瓣都成功，又講佢冇踢過正式比賽都可以成為出色教頭，極為難得。其實費Sir已年屆70，幫曼聯搵定下任接班人真好正路，摩連奴唔通得到費Sir祝福下，未來接任紅魔鬼領隊？