《怒》西布朗後衞列治維，最近將一張自己用20英鎊（約250港元）銀紙嚟擦屁股嘅相放上網，嚟顯示佢有幾咁豪氣。列治維喺西布朗有2萬鎊周薪，相等於英格蘭中部當地人嘅平均年薪，相片傳出之後隨即惹嚟廣泛猛烈抨擊。事後列治維都知衰，急急公開道歉話只係開個玩笑。嘩吓，邊個收到佢開完玩笑之後嘅銀紙，就真係唔好彩咯！