又到旅遊旺季，Samantha每次出門均買旅遊保，保傷亡之餘，更擔心行程延誤、遺失財物和旅遊證件等，索償得最多是財物損壞，觀乎世界各地對行李篋的「怒掟」招待，其實新秀麗（1910）用車撞篋的廣告都唔算誇張！
一旦行李損壞當然先報案，拍照作紀錄，一般有兩條路行：航空公司負責，又或是向保險公司索償。試過貪方便向銀行買旅遊保，行李篋「壽終正寢」，保險公司叫Samantha找指定維修公司，那邊索價幾百仲唔包醫得番，完全「屈機」，幸而取得「死亡證」，保險公司才肯以折舊價賠償。但計及時間、車費真係唔得你死。
近年銀行多以折扣作招徠力銷旅遊保，但索償則由另一間保險公司負責，基本上旅遊保只是用來賺錢的產品，沒有服務可言，甚至極力阻撓你索償。說穿了旅保和人壽醫保一樣，貪平冇好，口碑更加重要！
Samantha
本欄逢周一、三、五刊出