【呻一呻】
市民天天吃飯搭車都以八達通卡「嘟一嘟」拍卡付款，近年連公共屋邨亦加入「嘟」卡行列，仿效私人屋苑，大廈出入口改用智能拍卡保安系統。惟有租置屋邨租戶投訴，轉用新系統後造成不便，礙於非業主身份，議價能力低，只好「硬食」。
記者：劉丹丹
馬鞍山耀安邨為「租者置其屋計劃」下之出售屋邨，已售出3,600個單位，截至10月底，仍有約1,200個租戶。全邨共7座大廈的智能拍卡系統已於8月完成安裝，現正分階段啟用，而一直沿用的密碼鎖，則於新系統啟用後一個月取消。住戶須填寫表格申請智能卡，以進出大廈大堂。
「租戶處境似孤兒仔」
租戶Joyce不滿地說：「我又唔係業主，冇資格參加業主大會。」她感被強迫使用系統，十分無奈。「邨入面好多公公婆婆，佢哋唔鍾意袋呢啲卡，巴士公司都唔會一刀切用晒八達通啦，但家唔申請就入唔到門口」。此外，智能卡申請表上列明，補領卡須交每張100元行政費，而更改智能卡資料，亦要付50元行政費。Joyce怒斥收費過高，因邨內不乏基層家庭，可能對其造成經濟負擔。
恒益物業管理公司回覆，為加強現行保安系統及大廈通道管制，避免密碼外洩，法團於去年6月起，於管理委員會常務會議公開討論智能拍卡系統，去年底的業主周年大會亦已向居民簡介有關計劃。今年4至5月，曾先後發通告並向全邨居民發問卷，大部份收回問卷表示希望系統完成安裝後，盡快取消原用之密碼系統。
房屋署表示，該邨管理公司透過諮詢通告及向全邨住戶派發問卷，收集意見，再由法團管理委員會會議議決通過。署方身為該邨法團的管理委員會委員之一，有派代表出席會議。今年5月的會議上各委員通過，同意智能卡能加強保安，亦方便住戶毋須牢記密碼。
公屋聯會主席王坤指，租置屋邨改用智能拍卡保安系統是趨勢，「從保安上、管理上我覺得OK，問題在於家反映咗特別喺租置屋邨，房署根本放棄咗代替佢哋（租戶）喺法團發聲，諗住賣咗公屋，有乜依郁就問返法團，變成一個卸膊嘅藉口，啲租戶嘅處境就好似孤兒仔」。他贊成用智能卡可強化屋邨保安，惟房署應事前自行收集租戶意見，再代為反映。
檔案編號：1031085
居民點睇
阿 莉
「鍾意用密碼，驚唔記得帶卡同埋唔見咗。」
吳女士
吳女士
「冇乜意見，不過唔見咗張卡就麻煩啲，（補領）要錢唔係咁好。」
肥 媽
「整嚟都多餘，看更見到人都會開門啦，跟潮流之嘛！」
社會服務
◆匿名投訴恕不處理。一經投訴，本報保留刊登權利
◆報料熱線：29290000
◆社會服務熱線：29908288
◆蘋果日報慈善基金：29908688
◆電郵：mailto:[email protected]
◆傳真：37112468
◆網址： http://charity.appledaily.com.hk