香港主辦東亞盃外圍賽第2圈，本是大好機會搞下國際賽事；然而，開鑼日給世界各地球迷首個印象，就是旺角場這塊爛溶溶的草地，可真見笑。這個21世紀重新落成的球場，草地質素卻停留在上世紀80年代。
早在旺角場完成翻新重開那日，驚見地上那遍熟悉的大葉草，心中暗叫：「唔係啩？」這類或叫大葉油草，香港球迷必定熟悉，屬各區球場常用草，原因簡單：平，粗生，易打理；但缺點是下雨去水慢，導致每逢雨天處處水氹泥濘。經上周天雨，上周六開賽時狀況便差得可憐。較具規模的職業球賽，都已放棄大葉草。
我們要像奧脫福那樣，以肯德基藍草、小糠草等4款草混合，再加上要定期曬太陽燈的昂貴草地嗎？又未必！近至廣州，很多足球訓練場已可造出「蔗渣價錢、燒鵝味道」的草皮。香港最大問題，是擁有和管理草地的都不是球圈的人，結果「少做少錯，唔變唔錯」。諷刺的是，全港最靚草皮的晒草灣球場，是由環保署打理，非康文署。
說回香港2:1險勝關島，未能「按傳統」大炒對手，球迷都感失望。我的感覺是，體能和身體質素一直是港腳的問題，前線球員尤其明顯。除包辦兩入球的陳肇麒外，代表隊已沒誰的身體對抗性與衝刺力可在國際舞台與敵抗衡，導致入波真係無陳七唔掂。到底應像等六合彩一樣，等上天10年「賜」一個像陳七的天才給我們；還是該由今天起做好青訓，期望10年後有更多「陳肇麒」出產？今天戰澳洲，祝港隊好運。
方柏翹
now足球評述員