臉圓圓，戴金框眼鏡，少年得志的Eric，9年前他只是23歲就過澳門成立室內設計公司做老闆，接辦過新葡京賭廳VIP房、駿景酒店私人會所，以及澳娛旗下樓盤西望洋花園和湖景豪庭示範單位設計，他說最好賺的合約，純利近百萬元。「我當年膽粗粗過江闖天下嘅抉擇冇錯，不過，始終係香港好。」
懷念香港健全法治
現年32歲的Eric在職訓局學院畢業，不少同學至今仍是打工仔一名。到澳門創業，他說租平、人工平，少競爭是有利條件，而且澳門客人較尊重室內設計師的設計，不會指指點點，反觀香港人要求多多，「有個香港客講明唔要我設計，跟佢諗法畫出嚟就得，我只係一支筆」。
Eric說作為外地人到澳門闖天下，有甜亦有苦。澳門人口57萬，要在澳門站得穩，必須先建立人脈才有客源，他曾有客人因為要賣人情，一單生意原已落了定金亦被撬走，「香港人睇實力，澳門人睇人情，所以我九成工作時間花喺湊客，鞏固人脈。澳門地方細，個客睇新樓盤call你，睇物料又call你，平均每個客一星期見一次，香港人比較忙，好少見得咁密」。
有生意也未必順利，偶有爛賬或商業錢債糾紛，官司訴訟排期至少兩年，面對這些問題，他懷念香港健全法治，「為咗事業我喺澳門，我始終鍾意香港生活，將來會返回香港結婚生仔」。