無綫重頭劇《衝上雲霄II》自開拍以來，負面新聞不絕，而且幾乎皆與女主角之一的陳法拉有關。法拉昨日與胡杏兒、張智霖（Chilam）、吳鎮宇及馬國明等在機場現身，準備往台灣為《衝》拍外景，早前有疑似無綫幕後員工在微博發炮，喪鬧「C小姐」遲到，矛頭直指法拉，但法拉昨非常準時，還有空檔為粉絲簽名和拍照，反而最近被傳與法拉在法國拍外景撻着的Chilam就遲到20分鐘，比鎮宇還要遲。
直認易惹是非
法拉直認易惹是非：「法國外景好多記者跟埋去，所有負面嘢差唔多集中晒喺我度，唔緊要，等我嚟啦！大家相信係劇照就得㗎喇！」法拉續埋怨說：「成班人去食飯又唔影，淨係影我哋投入拍攝工作。」法拉入閘後不久，Chilam才現身，他說不清楚與法拉的緋聞，問會否避忌？他說：「唔會，拍嘢啫﹗」Chilam強調不用向老婆袁詠儀備案：「我以為係無綫記者，好神奇點解其他雜誌都咁清楚我哋拍攝行程。」
杏兒露背爭獎
今次大隊將在台拍攝四至五天，但杏兒只會在台灣留一天：「我得一日戲，之後會去馬來西亞參加頒獎禮，已經準備咗件大露背戰衣。」杏兒又指雖有信心爭奪無綫視后，但由於去年已得獎，今年壓力較小。
採訪：王崇穎
攝影：陳志嵐