顧嘉煇是香港樂壇的一代作曲家，他為無綫創作的主題曲膾炙人口，相反現任無綫音樂總監鄧智偉，卻屢被批評抄歌，對此煇哥說：「鄧智偉我都識，可能佢太多作品，差唔多套套劇集都係佢作，佢啲作品唔錯，有好有唔好。」
另一位創作人雷頌德亦曾被彈抄歌，煇哥說：「我都識佢好耐，佢都唔錯，冇諗過有人抄歌，旋律得十幾個音，我覺得相似係無可避免，我作曲時會盡量小心，如果發現聽過就唔會用。」煇哥近年很少作品，幾乎去到停產階段，他說：「作曲要有壓力之下，有需求靈感先嚟，如果叫我求其作首歌，可能半年都未寫到。」煇哥指現時啲歌曲風格跟以前好大分別，不太着重旋律結構：「我哋以前有起承轉合好似古詩，家啲歌好似新詩。」