早前本報獨家報道息影16年、現年45歲的葉玉卿將接拍邵氏賀歲片《我愛HK2013恭囍發財》，片中她將與譚詠麟首度飾演夫婦，昨日凌晨時分，卿卿獨自由美國返港開工。久違了的卿卿風采依然，狀態甚佳，身材完全沒走樣，身家逾億的她更坦言：「以前拍戲為生活，家可以體驗吓為興趣拍戲嘅感覺。」
葉玉卿96年嫁給紐約連鎖超市「香港超市」老闆胡兆明，婚後淡出娛樂圈及移居紐約，息影16年的她生活無憂，遠在美國相夫教子，但昨日她突然跑回香港復出拍戲，確實令人感到意外。但卿卿真的復出了，最近在好友曾志偉和樂易玲的努力游說下，答允演出邵氏賀歲電影《我愛HK2013恭囍發財》。
冇坐私家機打扮樸素
昨日凌晨時分，卿卿獨自由美國返港，電影公司派出三位同事接機， 今次她回港並沒有乘搭私人飛機，而且是收了一個友情價拍攝這部戲。稍後她將投入電影的拍攝工作。久違了的卿卿風采依然，她當年最弗的時候，三圍是36.5、25、36，昨日見她雖身穿杏色樽領上衣和啡色長褲，沒有珠光寶氣，打扮樸素，但仍保持弗爆身形和狀態。
卿卿步出機場禁區後，友善地接受訪問，她笑說：「今次係我第一次拍賀歲片，我見個檔期啱，所以咪應承，不過我嘅心情好緊張，因為應承拍戲之後，好多人搵我，搞到我返去以前啲繃緊狀態，志偉都有問拍唔拍劇，我話搞掂咗呢套先。今次係一個好好嘅體驗，以前拍戲為生活，家可以體驗吓為興趣拍戲嘅感覺，我細細個已經睇阿倫做戲，我諗我識佢多過佢識我，我哋喺戲中做阿公阿婆角色，以前都未試過，係一個新挑戰。」卿卿雖稱緊張，但她看來積極準備回歸接戲。
問卿卿今次復出拍戲，是否需要向老公和仔女「攞批文」？她笑說：「老公唔使，淨係啲仔女要，最初佢哋聽到話我要拍戲，叫我即刻返嚟拍，點知落實之後，囡囡就話唔捨得，仲喺度喊，啱啱落機收到囡囡嘅message，喊晒好唔捨得，以前周圍飛都會帶埋啲仔女一齊，今次因為佢哋要返學，我會喺香港留兩星期，睇吓點解決呢件事。」問她會否考慮給仔女入行？她笑說：「同佢哋講有錢賺乜都話制，不過佢哋冇乜演戲細胞，喺學校表演都好唔願意。」
珍惜時間多陪伴媽媽
問卿卿會否相約朋友敍舊？她坦言：「有，但係拍戲嘅時間表都未知，我諗要見始終會見到，不過我今次主要係見媽媽，呢十幾年都未試過喺香港逗留超過一個禮拜，我媽媽都90幾歲，要珍惜吓啲時間，我唔會帶媽媽去片場，太辛苦喇，收工見吓都OK。」
採訪、攝影：譚倩宜