呢排殘忍嘅虐貓虐狗事件曝光，令人憤怒，圈中唔少愛護動物人士，自然人人眼火爆兼喪鬧。不過，唔係個個明星都咁有愛心，好似呢排人氣又升嘅「阿花」，關仁識得一位做獸醫嘅朋友，佢一提阿花就鬧爆，原來阿花N年前曾經幫襯過佢。
話說阿花當時帶咗隻波斯貓去睇醫生，但並唔係做絕育或者有病，而係阿花同獸醫講，要幫隻貓做去爪手術！理由仲離譜，全因佢話買咗張幾萬蚊嘅新梳化，唔想隻貓抓花張梳化喎，呢類去爪手術非常殘忍，其實等同將人的第一節手指切除，喺歐美好多地方都禁咗，醫生講解完有幾殘忍，阿花竟然仲要求做，醫生梗係即刻鬧爆兼趕佢走啦！
撰文：關仁