前日寫過朗度（圖）同咸菲利斯開拖，當然係有手尾跟，呢位衝動派綠軍控衞，周四就俾聯盟罰停賽兩場，而隊友加尼特就罰2.5萬美元，網隊嘅G華萊士亦因為推波助瀾罰咗3.5萬美金。不過朗度就好似唔知錯，仲話自己撐隊友先出手；而李華士教練就話，朗度要學識留喺球場，先係最重要嘅事。希望26歲嘅朗度趁呢幾日，好好反省一吓啦。