周秀娜男友陳偉成（Avis）和女模楊柳青等友人，昨凌晨到澳門睇PSY的演出，傅明憲、任葆琳，以及崔建邦亦撇下女友唐詩詠帶女伴撐場，崔建邦在場內與女伴咬耳仔，表現親暱。
Avis睇完騷，於凌晨4時多與男女友人到了賭場玩啤牌，每次下注至少一、二千元，最後大有斬獲。記者昨致電Avis，問為何不帶娜姐同行，他說：「佢要拍戲。」Avis讚錢國偉和PSY同樣表現精采：「錢國偉出場，大家以為係真身，PSY好有大將之風，表演好震撼。」Avis又自爆於賭場贏了數千元：「我哋玩完過咗一晚，我將贏嘅幾千蚊拎出嚟同大家食嘢，食埋魚翅撈飯，中午先返香港。」
採訪、攝影：陳辰、楊浩賢