向來熱愛環保的鍾楚紅，前晚在尖沙嘴出席慈善晚宴時坦言愛吃菜keep fit，更愛下廚煮食減壓。提到近期虐貓事件，紅姑心痛狂鬧，表示會參加遊行，怒斥虐貓者無恥、醜惡，應被槍斃！同樣愛貓的夏韶聲更寫信去警務處投訴。
鍾楚紅、趙世曾及女友Lena、女兒趙式芝、蔣怡和告東尼夫婦等，前晚在尖沙嘴出席白松露慈善晚宴。穿短裙的蔣怡只顧擺甫士，最終連手袋也跌了，要尷尬儍笑，用手遮住心口執袋。
下廚減壓兼慰愛人
紅姑一身Chanel白色外套到場，她謂愛吃白松露，也愛吃素：「出街食好豐富，所以自己煮時都鍾意食菜，可以放中、日、意、西唔同嘅汁，我味覺好敏感。」她指多吃蔬菜正是keep fit秘方，下廚煮食更可減壓：「自己煮嘢食時，要好集中，可以煮畀心愛嘅人。」心愛的人？她甜笑說：「又問呢啲？係屋企人，屋企嘅貓。」
夏韶聲去信警務處
提到近期虐待小動物事件備受關注，民間團體更發起要求成立動物警察，紅姑聽到虐貓事件即激動說：「真係應該槍斃呢啲人！太無恥！傷害一隻小貓，展現人性最醜惡嘅一面。」她指一定會參加反虐貓事件遊行：「貓係好有感情嘅動物，佢哋好忠於人類。」同樣愛貓的夏韶聲前日去信警務處，要求重罰虐待動物的人，他在facebook上載抱貓相表示要為動物發聲：「以虐畜為樂的變態人渣大有人在，如不重罰何有阻嚇之用！」
此外，趙世曾前晚和女友Lena一同赴會，他近期被影到和不同女伴約會，趙世曾指和Lena已拍拖三年，Lena幫他搞內地物業，長駐杭州寫字樓，問他是否半個老闆娘？他說：「唔係，係打工女，人工都係一樣。」更指自己長期換女伴，Lena也沒有問題。
採訪：顏英儀
攝影：黃偉雄
