【話你知】
肥人是否有肥福？「事主好彩，因為肥胖，皮下脂肪厚過人，否則冇命。佢冇受到致命傷，係好好彩。」法官張慧玲判刑時，不只一次提及肥胖在本案的重要，對此家庭科醫生關嘉美亦表認同，「慶幸今次脂肪保護咗佢」，但補充，肥胖本身可帶來患病風險，影響健康。
關嘉美估計案中被告所用的利器體積細小，加上事主肥胖肉厚，刀鋒僅傷到表皮，未深入至觸及要害，「脂肪好似棉胎咁包住個人，把刀只拮到脂肪，拮唔到個人。」若然被告使用刀鋒較長的利器，則「幾肥都冇用」。
肥厚的皮下脂肪，原來可成為內置保護衣，關嘉美解釋，相比肥人而言，瘦人的血管較淺露，由於沒有厚脂肪阻隔，瘦人一旦中刀會較易傷及血管。