【特稿】
崩牙駒出獄，澳門賭城二千多億賭博收益勢將重新洗牌，但這位江湖梟雄會否將已變天的澳門，帶回14年前隻手遮天、腥風血雨的日子，將成為關注焦點。
有澳門賭廳高層聲稱崩牙駒出獄後一定會重踏賭場，做回老本行，「佢（崩牙駒）一定會入番賭場做叠碼仔，喺監獄一直都有遙控盤生意，佢細佬同細妹就負責喺出面打骰。佢哋喺好多賭場都有生意，總壇就喺金龍酒店，嗰度主要係福建幫。」
不過自澳門賭牌開放後，金沙、永利及美高梅三間美資賭場在賭業勢力方面與賭王已平分春色，美國政府近期嚴厲打擊洗黑錢的姿態將令美資賭場與崩牙駒保持一定距離，劃清界線。
恐牽涉洗黑錢被查
近期，滙豐和渣打對有美國機構打擊洗黑錢措施皆聞風色變，所以金沙、永利及美高梅等賭場不會讓崩牙駒在他們的賭場分一杯羹。雖然崩牙駒的門生曾在美資賭場的賭廳插旗，但外資賭業股分析員表示，相信金沙、永利及美高梅等賭場日後亦將避免與崩牙駒拉上關係，「特別係金沙，佢母公司早前已涉嫌洗黑錢俾美國查緊」。
當地賭業人士亦認為崩牙駒出獄不可能將賭城帶回當年光景，在澳門經營十六浦娛樂場的實德環球副主席馬浩文說：「佢（崩牙駒）一個咁高調嘅人物，一定會俾人睇實。澳門嘅國際形象已經建立咗，當局一定唔會俾治安變差。」
於澳門投資叠碼業務的海王集團，其副財務總監夏永權則表示：「十幾年前嗰邊治安咁差，搞到滿城風雨，我相信唔會重蹈覆轍，我哋對嗰邊嘅投資環境充滿信心。」
《蘋果》記者