洲際國家盃雖然話周六先抽籤，但其實已經大致知邊支強隊會喺同一組。由於主辦國巴西同上屆世盃冠軍西班牙係種籽隊，分列A、B兩組，而烏拉圭唔會同一樣來自南美嘅巴西一組，所以會同狂牛一組，而巴西就會喺小組撞意大利；西班牙就先約定烏拉圭喺洲際盃前熱身，下年3月去卡塔爾打場友賽，據報賺成300萬歐元戲金，真係順便掘埋金。