「OTO」豪特保健（6880）其實係咪改錯名呢？OTO讀音衰啲可以讀成「嘔吐」，而呢隻股自從舊年底上市之後，一直潛水，上市揸到家嘅話，輸緊65%，真係輸到嘔吐㗎！
豪特噚日公布中期純利大跌62%，賺得479萬，兼且唔派息，拖累股價大插19%，成為跌幅最大股份，收報五毫半，市值得番1.76億。睇真啲，公司揸住淨現金約2億，等於每股約六毫三現金，照計股價冇理由跌成咁。
之不過，華華始終信彼得林奇（Peter Lynch）嗰套；得閒行街留意佢啲舖多唔多人行，身邊又多唔多親戚朋友買佢嘅產品，先至決定買唔買呢隻股份，還是要止蝕，唔使一路嘔落去好呢？