高爾夫球呢啲高尚運動，梗係要執到正先入得場，就算你係「波神」米高佐敦都冇情講。但係MJ佢就真係唔知碇，日前喺邁阿密一個高球場打波，着住休閒褲入場；幾個在場會員見到唔滿意，同球會投訴，球會就逐咗「波神」出會。MJ發言人話，之前都曾着休閒褲打波，完全唔知唔啱規矩。不過佢咁有錢，呢度唔入得咪去第2個場打囉。