無綫重頭劇《衝上雲霄II》又有新是非，有位疑似無綫工作人員在微博發炮，喪鬧「C小姐」唔守時，令人聯想是篤女主角陳法拉背脊，昨日大隊從倫敦完成拍攝返港，法拉解釋：「自己絕對跟劇組安排工作行程，試過一、兩日遲十幾分鐘，相信大家溝通有出入，自己絕對冇影響拍攝，大家相處咁耐好有團隊精神。」
記者昨日致電編審區冠英，她指沒收過有人投訴法拉：「法拉基本上自己化妝，劇組試過有一星期拍攝，得一個梳頭一個化妝，而且演員出發時間唔同，有時06通告，明白工作人員好辛苦，製片溝通後會作出調動彈性處理，其實情況唔係太嚴重，演員遲到呢個情況唔存在，有時遲十幾分鐘人之常情，唔好苛求，可能各部門溝通未照顧到，但收工有一齊食飯，大家合作幾開心。」
採訪：丁寧