小馬周三作客公牛，以78:101輸波，不過教練卡里斯利就有好消息帶畀球迷。因為隊中正選控衞D哥連臣傷咗，得番經驗尚淺嘅D鍾斯，所以球會決定搵現時待業中嘅前湖人球員費沙，嚟救呢個燃眉之急。卡里斯利話費沙已經同意加盟，仲表示好有信心佢可以幫到球隊。費沙雖然已經38歲，但係經驗過人，後備上陣應該都可以幫到小馬。