日聯冠軍雖已由廣島三箭奪得，但周末煞科日依然具睇頭，傳統勁旅大阪飛腳作客磐田山葉，將關乎飛腳歷史性降班嘅生死戰。飛腳淪落到咁，當地各方都好緊張，除咗NHK電視台急購直播權外，警方都驚飛腳萬一護級失敗，球迷隨時搞事。至於飛腳球員最驚係首循環射破佢哋大門嘅前田遼一，仲話唔想畀「前田魔咒」重現。