李美鳳跟得媽咪復出無望

李美鳳跟得媽咪復出無望

李美鳳昨晚來港主持新店開幕禮,穿上露肩晚裝,如常艷光四射。她大談為一對龍鳳胎搞生日、儲嫁妝的趣事,揚言變身跟得媽咪。同年代的葉玉卿宣佈復出拍賀歲片,李美鳳則揚言要等多幾年,待子女上大學才會考慮。

李美鳳、何超鳳、何明懿和九巴後人雷禮權等昨晚在圓方出席Dior新店開幕。戴上600萬珠寶、盛裝現身的李美鳳穿上露肩長裙,出場時卻被門前小斜台絆倒,有點失平衡,幸好未有跌倒,Dior高層之後也很識做,從旁蹺着她。

美鳳出場時,沒留意高低位,踏錯腳差點跌低。

Dior高層十分識做,即時蹺實李美鳳。

何超鳳(左)和好友何明懿齊齊捧場。

幫子女儲嫁妝

問李美鳳老公有否送珠寶?她笑着呻:「送嘅意欲越來越低,可能注意力放咗喺細路度啦,佢家鍾意買3G嘢,我鍾意買衫畀仔女。」她指已為一對14歲的龍鳳胎Junior和Nicole儲嫁妝、買珠寶:「各有各安排,佢哋家大咗,連生日都要分開搞,因為朋友唔同、興趣唔同,連主題都唔同。」她指囡囡非常活躍好動,最愛游水,生日也要用游水做主題:「我家要做跟得媽咪,囡囡有參加學校嘅游水比賽,有時我都要去泳池幫佢做計時員。」
李美鳳是電眼美人,囡囡一定靚女,問囡囡有否拍拖?李美鳳說:「未識呀,我有教佢哋,由搵朋友開始,至少要有三四樣共同嗜好先好發展,睇啱先開始,唔想佢哋騎牛搵馬,唔好令人傷心。」

嘆冇能力再生

葉玉卿宣佈復出,李美鳳自言都愛拍片,但更愛家庭:「等啲仔女上晒大學先啦,之後仲要將啲注意力畀番老公,所以未有咁快。」李美鳳指近期有好友生BB,令她懊悔當年沒追多一個,記者叫她再生,49歲的她說:「冇能力湊喇!」聖誕一家人會去泰國度假。
採訪:梁錦雯
攝影:陳順禎