【特稿】
得如酒樓突然停業，影響所及地盤工人無處容身；建造業總工會理事長周聯僑指出，得如等舊式酒樓因地點便利、點心價錢相宜，一直是工友開飯、「打躉」等開工的地方，「呢啲舊式酒樓執得就執，家連得如都冇埋，工友都唔知去邊間酒樓搵工」。
周聯僑昨獲悉得如酒樓暫停營業，感到十分驚訝；他說，自己經常光顧得如，亦有不少工友在得如聚集搵工，「啲判頭都會去得如搵人開工」。周聯僑解釋說，工友們喜歡老式茶樓，貪其方便就腳，價錢相宜，「得如喺正地鐵站口，出入方便；點心又平又好食，一盅兩件，20幾蚊落樓；最緊要仲係水滾茶靚」。
周欷歔說，吉祥、龍門等老茶居相繼結業，工友無處容身。得如經理羅崇僖指出，酒樓早上5時開始營業，除吸引一批地盤工人外，還有一批夜總會小姐前來喝早茶。
《蘋果》記者