【本報訊】墮樓身亡的劉芝南，丈夫是金龍地產區域經理陳民傑，陳昨晚主動聯絡記者，強調：「我太太係唔小心晾衫失足，純屬意外。」他表示與太太感情穩定，亦無金錢問題，對於警方稱劉女是爭執後墮樓，他回應：「可能初時太太嘅家姐等人趕至醫院，情緒好激動，先至有誤會。」
否認太太懷孕
經常接受傳媒訪問的陳民傑，澄清太太墮樓是意外時語氣平靜：「第一，金錢問題不存在，因為今個月我同我公司金龍地產基本上是全北區細行最好數，我哋家keep住生意都好高，係領導地位，我同太太唔會有金錢或者其他問題。感情方面，我同太太捱咗好多年，又有兩個小朋友，我哋感情隱定，今個月先註冊，若兩人冇感情基礎唔會咁做。」
他又稱，與太太感情要好：「我哋一齊6年喇，仲有兩個女。」對於有傳妻子有身孕，一屍兩命，他語氣肯定說：「應該係搞錯咗，冇啲咁嘅事。」他亦視妻子14歲女兒如己出，「我當佢係女，一直相處融洽。」
記者問他對妻子離世感受，陳回應：「傷心，因為啲細路仲細，最緊要幫太太辦好身後事，安排好啲細路仔日後生活。」對於警方稱其家傭目睹夫婦爭執後太太跳樓一事，陳再三強調：「芝南屋企人先到醫院，知道佢過身，有小小怪我。因為我要留在現場協助警方調查，我太太係晾衫失足，我喺北區仲有生意，亦怕事件影響細路仔。」