周三火箭作客雷霆，係後衞夏登被交易後，第一次回「娘家」。不過，主隊球員同「鬍鬚佬」幾friend都冇面畀；只要夏登殺入內線，成班雷霆友即刻圍佢，搞到佢全場俾人足足封咗7次射波。至於主隊大佬杜蘭特今場着晒火，全場22投13中，狂轟全場最高37分；火箭一班球員之前連夜趕赴明尼蘇達，出席教練女兒喪禮後，疲態盡露，最後98:120慘敗。