聯盟最近公佈今年4月至11月底球衣銷量排名，熱火「大帝」勒邦占士因為今個黃金夏天，先後得到常規賽同總決賽MVP、總冠軍同倫奧金牌，再次成為球迷最愛，順理成章成為球衣銷量第一。佢接受訪問時話，好榮幸做到no.1，仲話係球迷嘅功勞。至於上年爆發嘅火箭球員林書豪，上次排第2，今季轉會之後就一下子跌出前15，認真冇陰功。